Samstarfsaðilar
Samstarfsaðilar Melrakkasetursins koma úr ýmsum áttum og starfa á ýmsum sviðum. Um er að ræða einstaklinga, ljósmyndara, veiðimenn, rannsóknastofnanir, opinbera aðila, ferðaþjóna o.fl o.fl..
Melrakkasetrið er á lista yfir umhverfistengd verkefni sem hægt er að styrkja í gegn um 1% for the planet, sem er alþjóðlegt umvherfisverndarverkefni með yfir 1100 styrktaraðila og yfir 2000 verkefni til að styrkja.
Borea Adventures er opinber styrktaraðili Melrakkasetursins árið 2010 og eru bæði fyrirtækin hin fyrstu frá Íslandi sem eru á lista 1%
Bláberjasamlagið er áhugahópur um nýtingu á bláberjum og framleiðslu afurða úr þeim til neyslu og sölu. Bláberjadagar eru haldnir hátíðlegir í Súðavík ár hvert og er Melrakkasetrið miðpunktur hátíðarinnar og sérlegur stuðningsaðili.
Melrakkasetrið er í samstarfi við Náttúrustofu Vestfjarða (www.nave.is) og Háskóla Íslands, og Hornstrandastofu/Umhverfisstofnun (www.ust.is) vegna Rannsókna og vöktunar á refum á Hornströndum og víðar á Vestfjörðum.
Jafnframt er Melrakkasetrið í samstarfi við veiðimenn um land allt ásamt sveitafélögum og Náttúrufræðistofnun Íslands.
Samstarf við Vesturferðir (www.vesturferdir.is) og Borea Adventures (www.boreaadventures.com) m.a. vegna dýralífsferða (refa og fuglaskoðun) á Hornstrandir
Samnorrænt verkefni, The Wild North (www.thewildnorth.org), um þróun sjálfbærrar náttúrulífsferðamennsku á norðurslóðum, ofangreindir aðilar eru einnig þátttakendur í verkefninu.
Myndefni:
Melrakkasetrið leggur mikið upp úr góðu myndefni og því er samstarf við ljósmyndara og kvikmyndafólk mikilvægt.
ALLAR MYNDIR Í ALBÚMINU OKKAR ERU FRJÁLS FRAMLÖG - VINSAMLEGAST FÁIÐ LEYFI TIL NOTKUNAR Á ÞEIM. ÓMERKTAR MYNDIR ERU Í OKKAR EIGU OG ÞÁ ER NÓG AÐ SEGJA AÐ MYNDIN SÉ FENGIN AF VEF MELRAKKASETURS.
Uri Golman er sérlegur ljósmyndari setursins með samning fyrir árin 2010 og 2011. Uri tekur myndir af refum í Friðlandi Hornstranda og víðar og fær Melrakkasetrið afnot af myndum hans og öðru efni sem hann vinnur á tímabilinu. Uri er "sendiherra" Canon og hefur starfað lengi á norður heimskautasvæðum. Hann hefur áhuga á umhverfismálum og sérstakan áhuga á norrænum vistkerfum og hvernig hlýnun jarðar hefur áhrif á villta dýrastofna. Heimskautarefurinn heillar Uri og mun samstarf við okkur gera honum kleift að ná myndum af tegundinni í náttúrulegu umhverfi sínu allt árið um kring.
Tobias Mennle er þýskur kvikmyndaframleiðandi sem vinnur að heimildarmynd um íslenska náttúru fyrir þýska sjónvarpsstöð. Hann hefur kynnst refunum á Hornströndum vegna verkefnisins en hann vann við tökur á Friðlandinu veturinn og sumarið 2009. Tobias mun filma áfram árið 2010 og fær Melrakkasetrið nokkur myndskeið frá lífi melrakkans til að nota á sýninguna.
Daníel Bergmann er kunnur íslendingum fyrir frábærar ljósmyndir af íslenskum dýrum. Við höfum notið góðs af því að fá myndir Daníels á heimasíðuna okkar þegar við vorum að byrja og til framsetningar efnis á sýningu. Daníel er því hægt að titla fyrsta ljósmyndara setursins og við erum honum ævarandi þakklát. Frekara samstarf með Daníel er áætlað árið 2010.
